Shayari in Urdu Love, Find the best and most valuable piece of Urdu Shayari. Shayari in Urdu Love has a great impact on Indo-Pak society.
سنا ہے لوگ اُسے آنکھ بھر کے دیکھتے ہیں
سو اس کے شہر میں کچھ دن ٹھہر کے دیکھتے ہیں
سنا ہے ربط ہے اُس کو خراب حالوں سے
سو اپنے آپ کو برباد کر کے دیکھتے ہیں
سنا ہے درد کی گاہک ہے چشمِ ناز اُس کی
سو ہم بھی اُس کی گلی سے گزر کے دیکھتے ہیں
سنا ہے اُس کو بھی ہے شعر و شاعری سے شغف
سو ہم بھی معجزے اپنے ہنر کے دیکھتے ہیں
سنا ہے بولے تو باتوں سے پھول جھڑتے ہیں
یہ بات ہے تو چلو بات کر کے دیکھتے ہیں
سنا ہے رات اُسے چاند تکتا رہتا ہے
ستارے بامِ فلک سے اُتر کے دیکھتے ہیں
سنا ہے دن کو اُسے تتلیاں ستاتی ہیں
سنا ہے رات کو جگنوں ٹھہر کے دیکھتے ہیں
سنا ہے حشر ہیں اُس کی غزل سی آنکھیں
سنا ہے اُس کو ہرن دشت بھر کے دیکھتے ہیں
سنا ہے رات سے بڑھ کر ہیں کاکلیں اُس کی
سنا ہے شام کو ساعی گزر کے دیکھتے ہیں
سنا ہے اُس کی سیاہ چشمگی قیامت ہے
سو اُس کو سرمہ فروش آہ بھر کے دیکھتے ہیں
سنا ہے اُس کے لبوں سے گلاب جلتے ہیں
سو ہم بہار پہ الزام دھر کے دیکھتے ہیں
سنا ہے آئینہ تمثال ہے جبین اُس کی
جو سادہ دل ہیں اُسے بن سنوار کے دیکھتے ہیں
سنا ہے جب سے ہمائل ہیں اُس کی گردن میں
مزاج اور ہی لال و گوہر کے دیکھتے ہیں
سنا ہے چشمِ تصور سے دشتِ امکان میں
پلنگ زاویے اُس کی کمر کے دیکھتے ہیں
سنا ہے اُس کے بدن کی تراش ایسی ہے
کہ پھول اپنی قبائے کترکے دیکھتے ہیں
وہ سروقد ہے مگر بے گلِ مراد نہیں
کہ اُس شجر پہ شگوفے سمر کے دیکھتے ہیں
بس ایک نگاہ سے لٹتا ہے قافلہ دل کا
سو راہ رواںِ تمنا بھی ڈر کے دیکھتے ہیں
سنا ہے اُس کے شبستان سے متصل ہے بہشت
مکیں اُدھر کے بھی جلوے ادھر کے دیکھتے ہیں
رکے تو گردشیں اُس کا تواف کرتی ہیں
چلے تو اُس کو زمانے ٹھہر کے دیکھتے ہیں
کسے نصیب کہ بے پرہیں اُسے دیکھے
کبھی کبھی در و دیوار گھر کے دیکھتے ہیں
کہانیاں ہی صحیح، سب مبالغے ہی صحیح
اگر وہ خواب ہے تعبیر کر کے دیکھتے ہیں
اب اُس کے شہر میں ٹھہریں کی کچھ کر جائیں
فرازآؤ، ستارے سفر کے دیکھتے ہیں
Find More Urdu and Pashto Shayari
This is the collection of Sad Shayari in Urdu. You can find more content that is full of love, romance, grief, and sorrow.
