Allama Iqbal poetry in Urdu

Allama Iqbal poetry in Urdu

لا پھر اک بار وہی بادہ و جام اے ساقی

ہاتھ آ جائے مجھے میرا مقام اے ساقی

 

تین سو سال سے ہیں ہند کے میخانے بند

اب مناسب ہے تیرا فیض ہو عام اے ساقی

 

میری مینائے غزل میں تھی ذرا سی باقی

شیخ کہتا ہے کہ ہے یہ بھی حرام اے ساقی

 

شیر مردوں سے ہوا بیشہ تحقیق تہی

رہ گئے صوفی و مُلّا کے غلام اے ساقی

 

عشق کی تیغِ جگردار اڑا لی کس نے

علم کے ہاتھ میں خالی ہے نیام اے ساقی

 

سینہ روشن ہو تو ہے سوزِ سخن عین حیات

ہو نہ روشن تو سخن مرگِ دوام اے ساقی

 

تو میری رات کو مہتاب سے محروم نہ رکھ

تیرے پیمانے میں ہے ماہِ تمام اے ساقی

===========================

================================================

Allama Iqbal poetry in Urdu

اِعْجاز ہے کسی کا یا گردش زمانہ

ٹُوٹا ہےایشِیا میں سحر فرنگیانہ

 

تَعْمِیْر آشْیاں سے میں نے یہ راز پایا

اہل نوا کے حق میں بجلی ہے آشیانہ

 

یہ بندگی خدائی وہ بندگی گدائی

یا بندہ خدا بن یا بندہ زمانہ

 

غافل نہ ہو خودی سے کر اپنی پاسبانی

شاید کسی حرم کا تو بھی ہے آستانہ

 

اے لا الہ کے وارث باقی نہیں ہے تجھ میں

گفتار دلبرانہ کردار قاہرانہ

 

تیری نگاہ سے دل سینوں میں کانپتے تھے

کھویہ گیا ہے تیرا جذب قلندرانہ

 

راز حرم سے شاید اقبال باخبر ہے

ہیں اس کی گفتگو کے انداز محرمانہ

==================================

==============================

Allama Iqbal poetry in Urdu

آثر کرے نا کرے، سن تو لے میری فریاد

نہیں ہے داد کا طالب یہ بندہ آزاد

 

یہ مُشْتِ خاک، یہ صَرْصَر، یہ وسعت آفلاک

کرم ہے یا کہ ستم تیری لذتِ ایجاد

 

ٹھہر سکا نہ ہوا ئے چمن میں خیمہء گل

یہی ہے فصلِ بہاری، یہی ہے بادِ مراد

 

قصوروار، غریب الدیار ہوں لیکن

تیرا خرابہ فرشتے نہ کر سکے آباد

 

میری جَفا طَلَبی کو دعائیں دیتا ہے

وہ دشتِ سادہ، وہ تیرا جہانِ بے بنیاد

 

خطر پسند طَبِیعَت کو سازگار نہیں

وہ گلستان کی جہاں، گھات میں نہ ہو صَیّاد

 

مقامِ شوق تیرے قدسیوں کے بس کا نہیں

انہیں کا عمل ہے یہ جن کے حوصلے ہیں زیاد۔

————-

 

Find More Urdu and Pashto Shayari

---

Romantic Poems

---

This is the collection of Sad Shayari in Urdu. You can find more content that is full of love, romance, grief, and sorrow.