Shalkot The Innovators
Allama Iqbal Poetry in Urdu pdf
جب عشق سکھاتا ہے آدابِ خودآگاہی
کھلتے ہیں غلاموں پر اسرارِ شہنشاہی
عطار ہو، رومی ہو، رازی ہو، غزالی ہو
کچھ ہاتھ نہ آتا بےآہِ سحرگاہی
ناامید نہ ہو ان سے، اے رہبرِ فرزانہ
کم کوش تو ہیں لیکن بےزوق نہیں راہی
اے طائرِ لاہوتی، اُس رزق سے موت اچھی
جس رزق سے آتی ہو پرواز میں کوتاہی
دارا و سکندر سے وہ مردِ فقیر اَوْلیٰ
ہو جس کی فقیری میں بوئے اسد اللہٰی
آئِین جوان مرداں حقگوئی و بیباقی
اللہ کے شیروں کو آتی نہیں رُوباہی
==================================
Allama Iqbal Poetry in Urdu pdf
گلزارِ ہستِ بود نہ بیگانہوار دیکھ
ہے دیکھنے کی چیز اسے بار بار دیکھ
آیا ہے تو جہاں میں مثالِ شرار دیکھ
دم دے نہ جائے ہَسْتی ناپائیدار دیکھ
مانا کہ تیری دید کے قابل نہیں ہوں میں
تو میرا شوق دیکھ، میرا انتظار دیکھ
کھولی ہیں ذوقِ دید نے آنکھیں تیری اگر
ہر راہگزر میں نقشِ کفِ پائے یار دیکھ
================================================================================
وہ حرفِ راز کِہ مجھ کو سکھا گیا ہے جنوں
خدا مجھے نفسِ جبرائیل دے تو کہوں
ستارہ کیا میری تقدیر کی خبر دے گا
وہ خود فراخیِ آفلاک میں ہے خوار و زبوں
حیات کیا ہے خیال و نظر کی مجذوبی
خودی کی موت ہے اندیشہ ہائے گوناں گوں
عجب مزہ ہے مجھے لذتِ خودی دے کر
وہ چاہتے ہیں کہ میں اپنے آپ میں نہ رہوں
ضمیرِ پاک و نگاہِ بلند و مستیِ شوق
نہ مال و دولتِ قارون نہ فکرِ افلاطوں
سبق ملا ہے یہ معراجِ مصطفیٰ سے مجھے
کہ عالمِ بشریت کی زد میں ہے گردوں
یہ کائنات ابھی نا تمام ہے شاید
کہ آ رہی ہے دمادم صدائے کن فیکوں
علاج آتشِ رومی کے سوز میں ہے تیرا
تیری خرد پہ ہے غالب فرنگیوں کا فسوں
اسی کے فیض سے میری نگاہ ہے روشن
اسی کے فیض سے میرے سبو میں ہے جیحوں
Find More Urdu and Pashto Shayari
This is the collection of Sad Shayari in Urdu. You can find more content that is full of love, romance, grief, and sorrow.
