Sad Shayari in Urdu. The Urdu language is full of romantic and sad poetry. You will find the best sad poetry of Urdu.
کہو تو لوٹ جاتے ہیں
ابھی تو بات لمحوں تک ہے، سالوں تک نہیں آئی
ابھی مسکان کی نوبت بھی نالوں تک نہیں آئی
ابھی تو کوئی مجبوری خیالوں تک نہیں آئی
ابھی تو گرد پیروں تک ہے، بالوں تک نہیں آئی
کہو تو لوٹ جاتے ہیں
ابھی کاجل کی ڈوری، سرخ گالوں تک نہیں آئی
زبان داتوں تلک ہے، زہر پیالوں تک نہیں آئی
ابھی تو مشک کوستوری غزلوں تک نہیں آئی
ابھی ردادِ بیان ہمارے درمیان ہے، دنیا والوں تک نہیں آئی
کہو تو لوٹ جاتے ہیں
چلو ایک فیصلہ کرنے شجر کی آوٹ جاتے ہیں
ابھی نزدیک ہے گھر اور منزل دور ہیں اپنی
مبادا نار ہو جائے یہ ہستی نور ہے اپنی
کہو تو لوٹ جاتے ہیں
چلو ایک فصلہ کرنے شجر کی آوٹ جاتے ہیں
یہ راستہ پیار کا راستہ
رسن کا دار کا راستہ
بہت دشوار ہے جانا
کہ اس راستے کا ہر ذرا بھی اک کوہسار ہے جانا
کہو تو لوٹ جاتے ہیں
میرے بارے نہ کچھ سوچو
مجھے طے کرنا آتا ہے
رسن کا دار کا راستہ
یہ آسائشوں بھرا راستہ
یہ اندھی گھار کا راستہ
تمہارے گیسوؤں کی چاؤں مل جائے
تو سورج سے اُلجھنا بات ہی کیا ہے
اُٹھا لو اپنا سایہ تو میری اوقات ہی کیا ہے
تمہارا نرم و نازک ہاتھ ہو اگر میرے ہاتھوں میں
تو میں یہ سمجھوں گا
کہ جیسے دو جہاں ہوں میری مٹھی میں
تمہارا قرب ہو تو مشکلیں کافورہو جائیں
یہ اندھے اور کالے راستے پر نور ہو جائیں.
مجھے معلوم ہے اتنا کہ دائم زندگی پوشیدہ ہے ان چار کدموں میں
بہت سی راہتیں مضمر ہیں ان دشوار راستوں میں
میرے بارے میں کچھ سوچو مت
تم اپنی بات بتلاؤ
کہو تو چلتے رہتے ہیں
کہو تو لوٹ جاتے ہیں
==============================================================================
عشق پاگل کر گیا تو کیا کرو گے سوچ لو
سانحہ ایسا ہوا تو کیا کرو گے سوچ لو
ساتھ اس کے ہر قدم چلنے کی عادت کس لیے
چھوڑ کر وہ چل دیا تو کیا کرو گے سوچ لو
شور باہر ہے ابھی اس واسطے خاموش ہو
شور اندر سے اٹھا تو کیا کرو گے سوچ لو
کر رہے ہو گھر نیا تعمیر اڑتی ریت پر
یہ اچانک گر گیا تو کیا کرو گے سوچ لو
لوٹ کر جانا تو ہے آخر سبھی کو اس طرف
سو برس بھی جی لیا تو کیا کرو گے سوچ لو
دھڑکنیں مدھم ہوئی جاتی ہیں اے چارہ گرو
چاک دل کا سل گیا تو کیا کرو گے سوچ لو
بند پلکوں میں ادھورے خواب بنتے ہو مگر
کوئی ان میں آ بسا تو کیا کرو گے سوچ لو
در دریچے سب مقفل کر کے بیٹھے ہو مگر
وہ اچانک آ گیا تو کیا کرو گے سوچ لو
ڈوبتے سورج کا چہرہ اور اس کا نقش پا
جب یہ منظر گم ہوا تو کیا کرو گے سوچ لو
==============================================================================
تیرے فراق کے لمحے شمار کرتے ہوئے
بکھر گئے ہیں تیرا انتظار کرتے ہوئے
tire firāq ke lamhe shumār karte hue
bikhar ga.e haiñ tirā intizār karte hue
تمہیں خبر ہی نہیں ہے کہ کوئی ٹوٹ گیا
محبتوں کو بہت پائیدار کرتے ہوئے
tumheñ ḳhabar hī nahīñ hai ki koī TuuT gayā
mohabbatoñ ko bahut pā.edār karte hue
میں مسکراتا ہوا آئینے میں اُبھروں گا
وہ رو پڑے گی اچانک سنگھار کرتے ہوئے
maiñ muskurātā huā aa.ine meñ ubharūñgā
vo ro paḌegī achānak siñghār karte hue
وہ کہ رہی تھی سمندر نہیں ہیں آنکھیں ہیں
میں ان میں ڈوب گیا اعتبار کرتے ہوئے
vo kah rahī thī samundar nahīñ haiñ āñkheñ haiñ
maiñ un meñ Duub gayā e’tibār karte hue
بھنوڑ جو مجھ میں پڑے ہیں وہ میں ہی جانتا ہوں
تمہارے حجر کے دریا کو پار کرتے ہوئے
tumhāre hijr ke dariyā ko paar karte hue
==============================================================================
سمندر میں اترتا ہوں تو آنکھیں بھیگ جاتی ہیں
تیری آنکھوں کو پڑھتا ہوں تو آنکھیں بھیگ جاتی ہیں
تمہارا نام لکھنے کی اجازت چھین گئی جب سے
کوئی بھی لفظ لکھتا ہوں تو آنکھیں بھیگ جاتی ہیں
تیری یادوں کی خوشبو کھڑکیوں میں رقص کرتی ہے
تیرے غم میں سلگتا ہوں تو آنکھیں بھیگ جاتی ہیں
نہ جانے ہو گیا ہوں اس قدر حساس میں کب سے
کسی سے بات کرتا ہوں تو آنکھیں بھیگ جاتی ہیں
میں سارا دن بہت مصروف رہتا ہوں مگر جونہی
قدم چوکھٹ پہ رکھتا ہوں تو آنکھیں بھیگ جاتی ہیں
ہر ایک مفلس کے ماتھے پر علم کی داستانیں ہیں
کوئی چہرہ بھی پڑھتا ہوں تو آنکھیں بھیگ جاتی ہیں
بڑے لوگوں کے اونچے بدنما اور سرد محلوں کو
غریب آنکھوں سے تکتا ہوں تو آنکھیں بھیگ جاتی ہیں
تیرے کوچے سے اب میرا تعلق واجبی سا ہے
مگر جب بھی گزرتا ہوں تو آنکھیں بھیگ جاتی ہیں
ہزاروں موسموں کی حکمرانی ہے میرے دل پر
وصی’ میں جب بھی ہنستا ہوں تو آنکھیں بھیگ جاتی ہیں
Find More Urdu and Pashto Shayari
This is the collection of Sad Shayari in Urdu. You can find more content that is full of love, romance, grief, and sorrow.